2-14(tues) 刑偵情意結(下)

(續前篇)

記得第一輯“刑偵”首播時係春天, 仲要有一個單元係講捉蝴蝶, 當時天氣濕濕nup nup, 我覺得好核突…每次睇“刑1”, 都會諗起o個種春天o既濕nup天氣!

“刑偵”第二輯播映時, 係pre-x’mas period, 睇番“刑2”, 最令我諗起o既係學校TQ…因為o個期正值練TQ練得最如火如荼o既時期! 對“刑偵2”o既瘋狂…令到我miss o左另一套其實幾好睇o既重頭劇“天地男兒”頭廿集…何解? 因為對 “刑2”太“忠貞”, 覺得呢套接住佢上而初段又懶係有d警匪片feel o既戲, 完全比唔上我套“刑偵”, 所以堅持唔睇, 寧願扭過隔離台睇鄧萃雯版“我和春天有個約會”…我就係咁“有性格”o架喇! 就係因為咁, 我miss o左套咁好睇o既戲o既頭半…之後到會考前後放假溫書時期, 反而力追到唔願放, 差d想買埋chi lam隻“怎會如此”精選大碟添!

講開會考, 其實要好多謝 “刑偵”, 因為係佢令我改變o左少少讀書習慣…從前o既我, 不嬲都係最最最last minute先溫書…其實由小學一年級開始, 我已經係睇完“歡樂今宵”先做功課o既小朋友…對於一個學生o黎講, 已經係離晒大譜; 如果對於一個6歲o既小朋友o黎講, 更加係十惡不赦, 因為其他同齡o既小朋友, 應該九點就瞓o左! 不過我覺得爸媽採取呢招“放任”政策係咁多年來最正功o既一招, 第日如果我有仔女, 我都一定會照版煮碗…任得個細路自己發展, 咁先似番個人o架嘛!

講番正題先, 由小學開始, 我都係耐唔耐會一兩點先?, 到中學年代當然更加變本加厲, 最變態係由f.4開始, 以為自己好多o野讀, 每次要test我都溫到差唔多4, 5點 (不過係1點先開始溫, 中途又?著o左咁), 到第二日先?晏覺補番, 其實咁樣一d都唔effective…就係因為“刑偵”, 令我改變o左呢個多年來o既壞習慣! 我為o左可以安心睇“刑偵”, o係放學5點食完tea返屋企後 (無錯, 我o地中學年代已經培養o左呢個闊太習慣, 當年仲會去excelsior食tea添, 真係好囂張…不過多數都係去老麥/當年最興o既許留山/仙跡岩/仙踪林, 仲有我o地o既favorite-kam’s cafe), 就讀兩o下書, test前夕仲可能唔去食tea早d返屋企, 再瞓個晏覺, 總之就要o係9點做“刑偵”前初步溫好晒書, 安安樂樂咁睇我最鍾意睇o既劇…到睇完再溫兩溫! 呢個溫書方法真係幾湊效, 當年次次bio test都唔係考得特別好, 係“刑偵”溫書法開始, o個次test居然?滿分, 我好記得係考d咩chromosomes, 又x又y咁…我呢世都會記得!

你話“刑偵”對我幾咁有推動力+影響力…都係多得“刑偵”, 先令我改變o左個溫書策略; 多得 “刑偵”, 會考先無咁吃力 (雖然比起其他人, 都係超last min, 但比起以前o既我, 已經係好有進步o架喇)! 你話“刑偵”幾咁偉大呀! 唔怪得知d人成日都話, 全世界影響得我最深o既…係 “六叔”!

記得當時播播o下有幾集我個電視機壞o左…傷心得我呀! 我d同學仲提議我去?魚涌萬利廣場睇, 事關o個度當時有個大電視每晚會播無線, 但無理由真係?o係o個度睇o架嘛! 我有諗過去豐澤等電器舖睇電視…不過, 最終我都係無去到, 搵人幫我錄o左…但我曾經有咁o既想法, 已可見我幾咁瘋狂!

大家仲記唔記得, 第一套有“PG家長指引”呢個term o既劇集係邊套? 之唔係“刑偵2”囉! o個時每晚開始做前都o翕一輪咩“家長指引”, 我仲覺得超騎呢添!

初頭重播時睇番呢d無字幕o既劇集, 真係有d唔習慣, 因為睇住字幕更方便fast forward想skip o既部份…但係睇o左兩輯無字幕o既“刑偵”之後, 又覺得無字幕某程度上仲好, 因為掛住睇字幕, 就會忽略o左d人o既演技!

第二輯幾乎變成全台總動員, 你o翕得出o既無線演員, 都有做過“刑2”, 同“真情”情況一樣!

最記得o個個單元名叫“被殺死多一次”, 因為好騎呢!

仲有, 發覺林漪琪做madam真係好型…其實佢都幾多元化呀, 做madam又得, 做風情萬種o既女人又得…但唔知點解呢幾年淪落到做“皆大歡喜”o既雲影姬呢?!

其實呢套劇真係好易估殺人兇手, 一定就唔會係最明顯o個個, 而係o係剩餘o個幾個?面比較有知名度o個個藝員…咁易估, 都唔好玩o既!

大家有無留意, o係第一輯時, d人唔係叫“車匙”做“車匙”, 偶然係會叫佢英文名, 但成日都叫成“jess”, 而基本上都係叫佢做高小姐或者高婕! 到第二輯, 佢呢個“jessie”o既朵先響晒, 人人都只係記得佢叫“車匙”! 仲有, 有一幕係影住車匙寫字, 原來佢d字幾靚o架喎!

同埋唔知點解…以前拍戲係咪唔興清場o既呢? 成日o係條街拍戲 (仲要係最多人出入o既尖咀), 好明顯 (係太明顯) 好多路人o係度望實佢o地做戲, 好奇怪咁…點解唔揀深夜或晨早先拍呢?

到第三輯, 最深刻係佢o係開學日首播, 我仲特登o係暑假重溫我o既珍藏“刑偵2”錄影帶去溫故知新…好落力o架! 隻主題曲依然由梁漢文唱, 但好難聽…隻插曲其實ok好聽o架, 但一d都無hit到, 連叫咩名都唔記得! 仲有, 李家強o係“刑3”都有出現, 不過唔係做番“刑2”張國強個易服辟助手…李成昌又係, 兩輯做唔同角色…好明顯無線唔夠演員!

到第四輯…根本就係另一回事, 唔同演員, 唔同角色, 套劇又唔同晒style…完全唔明點解仲要用番“刑事偵緝檔案”呢個名…掛羊頭賣狗肉!!! 想留住d “刑偵”fans睇呢套完全無“啦間”o既戲…我記得我o個時同個friend講, 點解唔索性叫“查案”算數?! 雖然turn out “刑4”都幾好睇, 但係另一回事, 我始終好不滿佢同上三輯毫無啦間但又用番佢個名o黎呃人!

好! 幫自己回憶完“刑偵三部曲”! 我講完喇!